- 53 -

1361. Mai 25.

Nos Consules videlicet Reynczko, Nicolaus Meczeneri, Nicolaus Stanizlai, Sifridus de Rudnik, Johannes filius Pauli, qui pro nunc sumus electi aut in posterum fuerimus constituti in civitate Rathebor Omnibus et singulis hanc litteram intuentibus et audientibus notificamus Quod ad nostram veniens presenciam Nicolaus advocatus nostre civitatis hereditarius sana mente et corpore una cum filio suo ad pretorium Stephano, non coactus nec deceptus et deliberato animo et de consilio amicorum suorum, qui se publice fatebatur rite et racionabiliter vendidisse curiam foras civitatem sitam prope relictam Nicolaj Czulcz dictam, cum omnibus Iugeribus retro ortum iacentibus, in omnibus suis metis et grenicijs ad eandem curiam pertinentibus, Fratri Jesconi et ad manus virginum in monasterio sancti Dominici ordinis in civitate Rathebor pro triginta marcis grossorum pragensium numeri polonicalis sine dolo omni. Quam quidem summam empcionis frater Jesco parata cum pecunia eundem advocatum et suos heredes pagavit nostra in presencia totaliter, et complete persolvit indilate et eandem hereditatem habendam, tenendam, vendendam et in usus proprios convertendam ac perpetue possidendam, quod per presentes protestamur nostro sub sigillo maiori Ratheborie civitatis appenso. Datum Rathebor in die sancti Urbani Anno domini Millesimo Trecentesimo sexagesimo primo. Testes qui affuerunt Jurati seu scabini dicti anni presentis subnotati, Johannes Coch, Menczelo, Nicolaus de Studa, Nicolaus Messersmit, Nicolaus Lussche, Nicolaus Gruczkegel, Martinus dictus Librot, et alij quam plures fide digni, et ego Henricus notarius civitatis Ratheborie dictus de Glogouia minore.

Mit anhangendem Stadtsiegel.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.